Գլխավոր էջ

06.05.24 📢Փամբակ համայնքում ավարտված է սոցիալական աջակցության հերթական ծրագիրը

250 սոցիալապես անապահով ընտանիքի տրամադրվել են սննդի փաթեթների ձեռքբերման կուտակային քարտեր։

Ծրագիրն իրականացվել է Փամբակի համայնքապետարանի և «Աստղիկ» ԲՀԿ-ի հերթական համագործակցության արդյունքում։

06.05.24 Վարչական շրջանների բարեկարգման աշխատանքներ՝ Փամբակ բնակավայրում

Փամբակ համայնքի ամբողջ տարածքում ընթանում են վարչական շրջանների բարեկարգման աշխատանքներ:

Այս պահին ավարտված են #Արջուտ, #Լեռնապատ և #Ազնվաձոր բնակավայրերի ներհամայնքային ճանապարհների համահարթեցման և խճալցման,

#Բազում բնակավայրում՝ ջրագծի ակունքի և ջրահեռացման համակարգի մաքրման աշխատանքները:

Բարեկարգման աշխատանքների հաջորդ կանգառը #Մարգահովիտ բնակավայրն է:

03.05.24 Ազնվաձոր և Արջուտ բնակավայրերի այլընտրանքային նախադպրոցական ուսումնական հաստատությունների գործունեության մշտադիտարկում

📢2024 թվականի ապրիլի 25-ին ժամը 16:00-ին Փամբակի համայնքապետարանի նիստերի դահլիճում տեղի ունեցավ «Ազնվաձոր և Արջուտ բնակավայրերի այլընտրանքային ուսումնական հաստատությունների գործունեության մշտադիտարկում» ծրագրի մշտադիտարող խմբի առաջին նիստը։ Ծրագիրն իրականացվում է Միացյալ Թագավորության Լավ կառավարման հիմնադրամի ֆինանսավորմամբ՝ «Կանայք քաղաքականության, հանրային կառավարման և քաղաքացիական հասարակության մեջ» ծրագրի շրջանակներում։ Նիստը վարում էր ծրագրի պատասխանատու Ռաիսա Մինասյանը, մասնակցում էին խմբի անդամները և ՏԻՄ ներկայացուցիչներ:Նշվեց, որ մշտադիտարկումների նպատակն է տեղում ծանոթանալ նախադպրոցական կրթական հիմնական ծրագրերի փորձարկման գործընթացին, վերհանել առկա խնդիրներն ... Մանրամասն

03.05.24 #ՀաջողությանՊատմություններ

Իր առաջին արտադրանքը պատրաստվում է շուկա ներմուծել Փամբակ համայնքի Բազում բնակավայրում «Աստղիկ» բարեգործական հիմնադրամի և «Բազում զարգացման հիմնադրամի» համատեղ ջանքերով ստեղծված առաջին կարի արհեստանոցը։

Արհեստանոցն այս պահին ունի 8 աշխատակից:

——————————————

Արհեստանոցի հիմնման նպատակը համայնքում նոր աշխատատեղերի և կանանց համար աշխատանքային գործունեությամբ զբաղվելու հնարավորության ստեղծումն է, ինչը հետապնդում է երկու կարևոր վերջնարդյունք` ընտանիքների կենսապայմանների բարելավում և հասարակության մեջ կնոջ դերի ակտիվացում։

03.05.24 Փամբակ համայնքի հյուրն է ՄԱԿ-ի զարգացման ծրագրի փորձագետը

Ս/թ մայիսի 02-ին ՀՀ Լոռու մարզի Փամբակ համայնքի հյուրն էր ՄԱԿ-ի զարգացման ծրագրի փորձագետը՝ ուսումնասիրելու Փամբակ համայնքում այս պահին իրականացվող «Զարդանախշերի երկխոսություն» և «Ազնվաձոր և Արջուտ բնակավայրերի այլընտրանքային ուսումնական հաստատությունների գործունեության մշտադիտարկում» ծրագրերի ընթացքը: Փորձագետը բովանդակալից զրույց ունեցավ վերոնշյալ երկու ծրագրերի ղեկավարների՝ Հասմիկ Մացակյանի և Ռաիսա Մինասյանի հետ, ծանոթացավ ծրագրերի գաղափարներին և արձանագրեց առկա իրավիճակը: Ներկա գտնվելով Փամբակ համայնքի Բազում բնակավայրի մշակույթի տանը գործող գորգագործության և կարպետագործության սենյակում՝ ներկաները ավելի մանրամասն պատկերացում կազմեցին «Զարդանախշերի երկխոսություն» ... Մանրամասն

29.04.24 Հաղթանակ՝ Ջիու-Ջիցուի Կովկասյան առաջնությունում

2024 թ ապրիլի 27-ին առաջին անգամ Հայաստանում կազմակերպվել է Կովկասյան 8 պետությունների Legacy Jiu-Jitcu /Բրազիլական Ջիու-Ջիցու/ Armenia AJP վարկածով առաջնությունը:

Փամբակ համայնքի Դեբեդ բնակավայրում գործող Ջիու-Ջիցուի խմբակի /մարզիչ՝ Արեն Գևորգյան/ 11 տարբեր քաշային կարգերի ներկայացուցիչներ

Գարիկ Հովսեփյանը,

Դորֆենդ Պետրոսյանը,

Նարեկ Սարգսյանը,

Դավիթ Ղազարյանը,

Նվեր Նազլուխանյանը,

Վարուժան Ամիրյանը,

Մաքսիմ Ղազարյանը,

Նարեկ Պետրոսյանը,

Սարո Կիրակոսյանը ,

Էրիկ Պողոսյանը,

Ֆելիքս Պապինյանը պատվով են ներկայացել առաջնությանը և գրավել 1-ին հորիզոնականը՝ մրցաշարում դառնալով Կովկասի չեմպիոններ:

27.04.24 Փամբակ համայնքում Քաղաքացու օրվան նվիրված միջոցառումների մեկնարկը տրված է

Օրվա գլխավոր միջոցառումը Փամբակ համայնքի Դեբեդ բնակավայրում էր: Այստեղ տեղի ունեցավ «Հայրենիքը պետությունն է: Սիրո՞ւմ ես հայրենիքդ՝ ուժեղացրու պետությունդ» խորագիրը կրող քննարկումը:

Քննարկումը վարում էր EduHub երիտասարդական կազմակերպության նախագահ Գևորգ Հարությունյանը, ով ներկաների հետ զրուցեց հասարակության մեջ քաղաքացու և պետականության պահպանման գործում երիտասարդների դերի բարձրացման մասին:

Հանդիպան երկրորդ հատվածում բանախոսը պատասխանեց երիտասարդներին հուզող հարցերին՝ համայնքի զարգացման գործում իրենց մասնակցության պլանավորման վերաբերյալ