Փամբակ բազմաբնակավայր համայնքը կազմավորվել է ՀՀ Ազգային ժողովի կողմից 2021 թվականի սեպտեմբերի 24-ին ընդունված ,,ՀՀ Վարչատարածքային բաժանման մասին օրենքում փոփոխություններ և լրացումներ կատարելու մասին,, ՀՀ օրենքի համաձայն Ազնվածոր, Անտառամուտ, Արջուտ, Բազում, Դեբետ, Եղեգնուտ, Լեռնապատ, Լեռնաջուր , Ձորագետ, Ձորագյուղ, Մարգահովիտ, Վահագնածոր, Վահագնի, Փամբակ և Քարաբերդ համայնքների միավորման արդյունքում:

Համայնքի կենտրոնն է հանդիսանում Փամբակ համայնքը: Համայնքի բնակչությունը կազմում է 13215 մարդ: Համայնքի հեռավորությունը մարզկենտրոնից կազմում է 7 կմ, Երևան-Թբիլիսի ավտոմայրուղուց" 0 կմ, մայրաքաղաքից 127կմ, երկաթուղուց" 550մ, Հայաստանի Հանրապետության պետական սահմանից" 93 կմ: Փամբակ համայնքը գտնվում է Լոռու մարզի հյոաիս-արևել|ան մասում, տարածքը կազմում է 525.6732 կմ²: Համայնքը տեղակայված է Հայաստանի Հանրապետության հյուսիսային մասի Սպիտակի երկրաշարժի օջախի բարձր աստիճանի սեյսմիկ ռիսկի գոտում: Հյուսիսից Ձորագետ բնակավայրը 1350մ, հարավ-արևմուտքից Լեռնաջուր բնակավայրը 1700մ, արևմուտքից Լեռնապատ բնակավայրը 1 ՕՕՕմ, հարավ- արևելքից Մարգահովիտ բնակավայրը 1750 մ բարձրության վրա: Հյուսիսից" պարուրված է Բազումի լեռնաշղթայով, հարավ-արևելքով" Գուգարքի լեռնաշղթայով: Համայնքով անցնում են Փամբակ, Աղստև և Դեբետ գետերը: Համայնքի կլիման խոնավ է, տեղումնառատ, մեղմ ձմեռներով ու զով ամառներով: Օդի միջին ջերմաստիճանը ձմռանը տատանվում է -3 աստիճանից մինչև -25 աստիճան" ըստ ցելսիուսի, ամռանը" + 14-ից +30 աստիճան:

Համայնքի տարածքում գործում են" 13 ուսումնական հաստատություն, 7 նախադպրոցական հաստատություն, 12 բժշկական հաստատություն, 1 մշակույթի կենտրոն, 3 մշակութային խմբակներ, 3 գրադարան, 1 մարզադպրոց, 11 եկեղեցի, 42 խանութ, 14 գործարան, 13 հյուրանոց /հյուրատուն/, 9 վերամշակող կազմակերպություն, 1 հանքարդյունաբերական կազմակերպություն, 3 ազատ ժամանցի վայր, 7 հրդեհապայթյունավտանգ օբյեկտ: Համայնքի տարածքով անցնում է Երևան- Թբիլիսի, մարզային նշանակության ավտոմոբիլային ճանապարհները:

Բնակչության հիմնական մասը տեղափոխվել է Արևմտյան Հայաստանից, Սպիտակի և Գուգարքի շրջանից, իրենց հետ բերելով շատ գեղեցիկ ավանդույթներ և սովորույթներ, որոնք արդիական են բոլոր ժամանակների համար:

Բնակավայրերի հեռավորությունը մարզկենտրոնից՝

Ազնվածոր - 8կմ

Անտառամուտ - 21 կմ

Արջուտ - 19կմ

Բազում - 15կմ

Դեբետ - 23կմ

Եղեգնուտ - 18կմ

Լեռնապատ - 22կմ

Լեռնաջուր - 32կմ

Ձորագետ - 23կմ

Ձորագյուղ - 24կմ

Մարգահովիտ - 29կմ

Վահագնի - 14կմ

Վահագնաձոր - 8կմ

Քարաբերդ - 3կմ