ՀԵՔԻԱԹԻ ՏՈՒՆ 

          «Հեքիաթի տունը» հեքիաթային գողտրիկ անկյուն է Լոռու մարզի Փամբակ բնակավայրում, որտեղ առանձնահատուկ գունագեղությամբ կենդանանում են հազարամյակների խորքից մեզ հասած պատմությունը, մշակույթն ու գաղտնագիտությունը:

     «Հեքիաթի տունը» ստեղծվել է 2018 թվականին «Ավանդական տոների վերածնունդ» հասարակական կազմակերպության կողմից՝ հեքիաթասացության պահպանման և փոխանցման նպատակով: Տունը իր այցելուներին ներկայանում է Լոռու մարզին բնորոշ ավանդական կենցաղով և կոլորիտով՝ ավանդական կենցաղային իրեր, սպասք, ծիսական և թատերական տիկնիկներ, ազգային գորգեր, տարազներ և հայկական ավանդական ձեռագործ նմուշներ։

     Այստեղ յուրաքանչյուր այցելու հնարավորություն ունի ծանաթանալու հայ ժողովրդական բանահյուսական չքնաղագեղ նմուշներին՝ հեքիաթներ, իմաստազրույցներ, ծեսեր և սովորույթներ, որոնց ներկայացումը համեմված է ազգային երգով ու երաժշտությամբ, խաղերով, պարով ու ներկայացումներով:

      «Հեքիաթի տանը» հյուրընկալություն գտած անձինք կամ խմբերը  ավանդական տիկնիկային թատրոնի բեմադրություններին  զուգահեռ կարող են ներկա գտնվել  նաև ստվերների թատրոնի ինքնատիպ ներկայացումներին, ինչպես նաև մասնակիցը դառնալ պարբերաբար կազմակերպվող հայկական ավանդական տոների և մշակութային տոնակատարություների թմատիկ միջոցառումներին։

     «Հեքիաթի տունը» իր հյուրերին առաջարկում է հայակական ավանդական խոհանոցի համադամ ուտեստները, էկոլոգիապես մաքուր և առողջ սնունդ։ Տանը կան նաև գիշերակացի հարմարավետ պայմաններ, ինչպես նաև ամառային ճամբարի կազմակերպման հնարավորություններ։

 

Կոնտակտային տվյալներ

Հասցե՝ Լոռու մարզ, Փամբակ համայնք, Փամբակ բնակավայր, 1 փողոց, 19 տուն

Հեռ.՝ +374 93 311301

էլ. փոստ՝  hasmik.tonatsuyts@gmail.com

  Կետրոնի առաջարկած ծառայություններին ծանոթանալու համար անցնել հղումով:

 

   

«ՔՈ ԿՈՂՔԻՆ - NEXT TO YՕU»

Վերականգնողական - ուսումնական կենտրոն     

       Հատուկ կարիքներ ունեցող երեխաների համար նախատեսված «Քո կողքին» վերականգնողական-ուսումնական կենտրոնն իր գործունեությունն սկսել է 2025 թվականի մայիսի 6-ից՝ «Աստղիկ» բարեգործական հիմնադրամի «Little Star Charitable Fund»-ի նախաձեռնությամբ, ինչպես նաև հոլանդացի, շվեյցարացի, ամերիկահայ մի խումբ գործընկերների, կազմակերպությունների և բարերարների աջակցությամբ:

       Կենտրոնը գործում է Փամբակ համայնքի Վահագնի բնակավայրում, սակայն նախատեսված է Լոռու մարզի հաշմանդամություն ունեցող բոլոր երեխաների ու երիտասարդների համար։ Կենտրոնը ստեղծվել է գյուղական բնակավայրում՝ հաշվի առնելով այն հանգամանքը, որ գյուղական համայնքներում բնակվող հաշմանդամություն ունեցող երեխաները, պատանիներն ու երիտասարդները մեկուսացած են հասարակությունից և կարիք ունեն ձեռք բերելու տարրական հմտություններ, դառնալու հասարակության լիարժեք անդամներ:

      «Քո կողքին» վերականգնողական-ուսումնական կենտրոնում հատուկ կարիքներով երեխաներն ու երիտասարդները անցնում են ոչ միայն վերականգնողական թերապիա, այլև ձեռք են բերում մասնագիտական գիտելիքներ և հմտություններ:

Կոնտակտային տվյալներ

Հասցե՝ Լոռու մարզ, Փամբակ համայնք,Վահագնի բնակավայր, 1 փողոց, 51 շենք

Հեռ.՝ +374 093 454535

էլ. փոստ՝  m.anronyan@littlestar.care

  Կետրոնի առաջարկած ծառայություններին ծանոթանալու համար անցնել հղումով: