Հարգելի բնակիչներ․ «ԷկոԼուր» տեղեկատվական ՀԿ-ի կողմից իրականացված «Ազդակիր համայնքները և քաղաքացիական հասարակության կազմակերպությունները որպես Հայաստանի էներգետիկայի և կլիմայի փոփոխության քաղաքականության մեջ սոցիալ-էկոլոգիական մշակույթի ներդրման մասնակիցներ» ծրագրի շրջանակներում ուսումնասիրվել և վերլուծվել են Արագածոտնի մարզի Թալին, Տավուշի մարզի Դիլիջան, Վայոց ձորի մարզի Եղեգիս և Լոռու մարզի Փամբակ խոշորացված համայնքների խնդիրները և հնարավորությունները էներգետիկայի և կլիմայի փոփոխության քաղաքականությունների տեղայնացման տեսանկյունից։ Տեղեկացնում եմ, որ ս․ թ․ մայիսի 21-ին ժամը 13։00-ին Փամբակի համայնքապետարանի նիստերի դահլիճում տեղի կունենա հանդիպում «ԷկոԼուր» տեղեկատվական ՀԿ-ի կողմից մշակված «ՀՀ Լոռու մարզի Փամբակ համայնքում էներգետիկայի և կլիմայական դիմակայության քաղաքականության ներդրման խնդիրները և առաջարկվող միջոցառումները» փաստաթղթի քննարկման վերաբերյալ։ Ակնկալում եմ բոլորիդ ակտիվ մասնակցությունը։