Փամբակ համայնքի հարգելի բնակիչներ, տեղեկացնում ենք ձեզ, որ Փամբակ համայնքի Արջուտ և Ազնվաձոր բնակավայրերում վերջերս հիմնված այլընտրանքային նախադպրոցական ուսումնական հաստատությունների գործունեության մշտադիտարկման նպատակով նախատեսվում է ստեղծել մշտադիտարկող խումբ: Թիրախային ուսումնական հաստատությունների ընտրությունը պայմանավորված է այն հանգամանքով, որ այլընտրանքային ուսուցման այս մոդելը նորարական է և առաջին անգամ է կիրառվում համայնքի կրթական ոլորտում։
❗ Ծրագրի նպատակն է նպաստել Ազնվաձոր և Արջուտ բնակավայրերի այլընտրանքային նախադպրոցական ուսումնական հաստատությունների արդյունավետ գործունեությանը՝ համայնքի երեխաների զարգացման և նրանց ընդունակությունների պատշաճ դրսևորման համար։
❗ Մշտադիտարկող խումբը կազմված է լինելու առավելագույնս 10 անձից, որին կարող են անդամակցել շահագրգիռ ակտիվ բնակիչներ, հիմնախնդրով զբաղվող համայնաքպետարանի աշխատակիցներ, ավագանու անդամներ, Արջուտ և Ազնվաձոր բնակավայրերի վարչական ղեկավարներ, մանկապարտեզների ուսումնադաստիարակչական կազմից ներկայացուցիչներ և ՔՀԿ (Քաղաքացիական հասարակության կազմակերպությունների) անդամներ։ Մշտադիտարկող խմբի համար կանցկացվի վերապատրաստում ծրագրին ներգրաված մասնագետի կողմից, ում խորհրդատվությամբ կմշակվի մշտադիտարկման ուղղությունները և կկազմվի հարցումների թերթիկ։
📢 Մշտադիտարկող խմբին անդամակցելու համար բոլոր շահագրգիռ անձիք կարող են դիմել ծրագրի պատասխանատու Ռաիսա Մինասյանին /հեռ․ 077-75-88-63, էլ․ փոստ rayaminasyan@mail.ru/ մինչև սույն թվականի ապրիլի 10-ը:
Դրամաշնորհային ծրագիրը ֆինանսավորվում է ՄԱԿ-ի Զարգացման ծրագրի՝ Միացյալ Թագավորության Լավ կառավարման հիմնադրամի ֆինանսավորմամբ իրականացվող «Կանայք քաղաքականության, հանրային կառավարման եւ քաղաքացիական հասարակության մեջ» ծրագրի շրջանակներում։