Սիրով տեղեկացնում ենք, որ Գերմանիայի միջազգային համագործակցության ընկերության (ԳՄՀԸ, GIZ) և ՀՀ տարածքային կառավարման և ենթակառուցվածքների նախարարության կողմից իրականացվող «Լավ կառավարում հանուն տեղական զարգացման Հարավային Կովկասում» ծրագրի շրջանակներում գործող ՀՀ համայնքների սոցիալ-տնտեսական զարգացման դրամաշնորհային հիմնադրամի նոր փուլով հայտարարվում է ծրագրային հայտ-առաջարկների կանչ: ՀՀ համայնքներում ՄԱԿ-ի կայուն զարգացման 2030 օրակարգի եվ կայուն զարգացման նպատակների տեղայնացմանն ուղղված դրամաշնորհային մրցույթը մեկնարկած է:
Համայնքային ծրագրերի արժեքը կարող է լինել 4-16 մլն․ ՀՀ դրամ, իսկ միջհամայքնային ծրագրերը՝ մինչև 24մլն․ ՀՀ դրամ։
Հատկապես խրախուսելի են համայնքներում նորարարությունը խթանող, կլիմայի փոփոխությանը հարմարվողականության տեսանկյունից դրական ազդեցություն ունեցող, ինչպես նաև բնակավայրերի համաչափ զարգացմանը նպաստող ծրագրերը:
Գաղափարների և առաջարկների ներկայացման վերջնաժամկետը ս/թ մայիսի 5-ն է։