Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 5-րդ կետի, «Բյուջետային համակարգի մասին» Հայաստանի Հանրապետության օրենքի 32-րդ հոդվածի 5-րդ կետի դրույթներով` Փամբակ համայնքի ավագանին որոշում է.

1. Հաստատել Հայաստանի Հանրապետության Լոռու մարզի Փամբակ համայնքի 2023թ-ի բյուջեն` համաձայն 1-6 հավելվածների:

1) Եկամուտների գծով ընդամենը - 561474000 /հինգ հարյուր վաթսունմեկ միլիոն չորս հարյուր յոթանասունչորս հազար/ ՀՀ դրամ, այդ թվում`

ա. Վարչական բյուջեի մասով - 561474000 /հինգ հարյուր վաթսունմեկ միլիոն չորս հարյուր յոթանասունչորս հազար/ ՀՀ դրամ.

բ. ֆոնդային բյուջեի մասով - 69955200 /վաթսունինը միլիոն ինը հարյուր հիսունհինգ հազար երկու հարյուր/ ՀՀ դրամ.

2) Ծախսերի գծով ընդամենը - 633208300 /վեց հարյուր երեսուներեք միլիոն երկու հարյուր ութ հազար երեք հարյուր/ դրամ՝ այդ թվում.

ա. Վարչական բյուջեի մասով - 561474000 /հինգ հարյուր վաթսունմեկ միլիոն չորս հարյուր յոթանասունչորս հազար/ ՀՀ դրամ.

բ. ֆոնդային բյուջեի մասով - 141689500 /մեկ հարյուր քառասունմեկ միլիոն վեց հարյուր ութսունինը հազար հինգ հարյուր/ ՀՀ դրամ:

3) Տարեսկզբի ազատ մնացորդ – 71734300 /յոթանասունմեկ միլիոն յոթ հարյուր երեսունչորս հազար երեք հարյուր/ ՀՀ դրամ:

2. Թույլատրել համայնքի ղեկավարին համայնքի բյուջեի կատարման ընթացքում կատարելու վերաբաշխումներ ըստ գործառնական և տնտեսագիտական դասակարգման ծախսերի նախատեսված հոդվածների միջև: Սահմանել, որ փոփոխությունների հանրագումարը բյուջետային տարվա ընթացքում չի կարող գերազանցել հաստատված ծախսերի 15 %-ը:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: