Ղեկավարվելով «Բյուջետային համակարգի մասին» Հայաստանի Հանրապետության օրենքի 15-րդ հոդվածի 9-րդ մասով, «Տեղական ինքնակառավարման մասին» Հայաստանի Հանրապետության օրենքի 92-րդ հոդվածի 4-րդ մասով և հիմք ընդունելով «Լոռվա Ձոր» ՏԱԽ-ի և Փամբակի համայնքապետարանի միջև 13․09․2023թ-ին կնքված դրամաշնորհի թիվ 1-2023 պայմանագիրը՝ Փամբակ համայնքի ավագանին՝ որոշում է․

1․ Տալ համաձայնություն ԵՄ «Տեղական դերակատարների զորեղացում հանուն զարգացման Լոռու և Տավուշի մարզերում» ծրագրի շրջանակներում «Լոռվա Ձոր» ՏԱԽ-ի կողմից իրականացվող «Ավտոաշտարակի ձեռքբերում, համայնքային սպասարկման որակի բարձրացում» դրամաշնորհային ծրագրի համաֆինանսավորման համար։

2․ Թույլատրել ՀՀ ֆինանսների նախարարության գանձապետական համակարգում բացել արտաբյուջետային հաշիվ՝ «Լոռվա Ձոր» ՏԱԽ-ի կողմից իրականացվող «Ավտոաշտարակի ձեռքբերում, համայնքային սպասարկման որակի բարձրացում» դրամաշնորհային ծրագրի իրականացման համար։

3. Ծրագրի ավարտից հետո արտաբյուջետային հաշվում խնայված /չօգտագործված/ գումարը հետ ուղղել համայնքի բյուջե։