Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 42-րդ կետով, հիմք ընդունելով ներկայացված սուբվենցիոն ծրագրերի հայտերը, այն հանգամանքը, որ Փամբակ համայնքի բնակավայրերում առկա են ներքոնշյալ առաջնային խնդիրները, որոնք ներառված են զարգացման հնգամյա ծրագրում և հաշվի առնելով բնակավայրերում անցկացված հանրային լսումների արդյունքները, Փամբակ համայնքի ավագանին՝ որոշում է.
Տալ հավանություն Հայաստանի Հանրապետության 2024 թվականի պետական բյուջեից համայնքների տնտեսական և սոցիալական ենթակառուցվածքների զարգացմանն ուղղված /նպատակային հատկացումներ ստանալու նպատակով/ Փամբակ համայնքի կողմից ներկայացվող ներքոնշյալ 6 սուբվենցիոն ծրագրերին և հաստատել հայտերը՝ համաձայն հավելվածների (կցվում է)։
1. Վահագնիի մանկապարտեզի նոր մասնաշենքի կառուցում, Վահագնաձոր բնակավայրում մանկապարտեզի շենքի վերանորոգում։
2. Դեբետ բնակավայրի խմելու ջրի ցանցի կառուցում։
3. Լեռնապատ բնակավայրի հանդիսությունների սրահի կառուցում։
4. Ձորագյուղ և Եղեգնուտ բնակավայրերի գազաֆիկացում։
5. Մարգահովիտ և Ազնվաձոր բնակավայրերի փողոցների ընթացիկ նորոգում ասֆալտապատման միջոցով։
6. Փամբակ, Վահագնաձոր և Բազում բնակավայրերի կենտրոնական փողոցների լուսավորության համակարգերի նորոգում ` արևային ֆոտովոլտային կայանների տեղադրմամբ։