Ղեկավարվելով ««Տեղական ինքնակառավարման մասին» օրենքում փոփոխություններ և լրացումներ կատարելու մասին» 24 հոկտեմբերի 2024 թվականի ՀՀ օրենքի 2-րդ հոդվածի 3-րդ կետով, Փամբակ համայնքի ավագանու «Փամբակ համայնքի ավագանու 06 ապրիլի 2022 թվականի թիվ 32-Ա որոշումն ուժը կորցրած ճանաչելու և ՀՀ Լոռու մարզի Փամբակ համայնքի կամավոր խնդիրները, դրանց լուծմանն ուղղված սեփական լիազորությունները և դրանց իրականացման կարգը սահմանելու մասին» 13 փետրվարի 2025 թվականի N 004-Ա և «Փամբակ համայնքի ավագանու 2023 թվականի նոյեմբերի 14-ի N 129-Լ որոշումն ուժը կորցրած ճանաչելու և Փամբակ համայնքում սոցիալական աջակցության ծառայությունների տրամադրման չափորոշիչները սահմանելու մասին» 13 փետրվարի 2025 թվականի N 005-Ա որոշումներով, Փամբակ համայնքի ավագանին՝ որոշում է.

Ընդունել ի գիտություն Փամբակ համայնքի բյուջեից 2025 թվականի II եռամսյակում Փամբակ համայնքի կյանքի դժվարին իրավիճակում գտնվող, մասնավորապես՝ զոհված զինծառայողների, պատերազմի վետերանների, ռազմական գործողությունների արդյունքում անհետ կորած, հաշմանդամություն ստացած զինծառայողների և քաղաքացիական անձանց, ռազմական գործողությունների արդյունքում փախստական դարձած անձանց ընտանիքների, այդ թվում այլ օբյեկտիվ և սուբյեկտիվ պատճառներով սոցիալապես անապահով դարձած ընտանիքներին հատկացված սոցիալական աջակցության վերաբերյալ հաղորդումը՝ համաձայն հավելվածի: