Ղեկավարվելով «Տեղական Ինքնակառավարման մասին» ՀՀ օրենքի 18-րդ հոդվածի 1-ին մասի 21-րդ և 42-րդ կետերով, ՀՀ «Քաղաքացիական օրենսգրքի» 594-րդ հոդվածով, հաշվի առնելով ՀՀ ՆԳՆ Փրկարար ծառայության Լոռու մարզային փրկարարական վարչության պետի 22․08․2025թ-ի N 95/13-362 գրությունը և համայնքի ղեկավարի կողմից ներկայացված առաջարկությունը՝ Փամբակ համայնքի ավագանին որոշում է.

1. Արտակարգ իրավիճակներում բնակչության պաշտպանության և քաղաքացիական պաշտպանության խնդիրների իրականացման, հրշեջ-փրկարարական ջոկատների պատրաստվածության աստիճանի բարձրացման և արձագանքման արդյունավետ կազմակերպման նկատառումներից ելնելով տալ համաձայնություն «911» ահազանգման կենտրոնի իրավիճակային դահլիճի համար 560․000 ՀՀ դրամ արժողությամբ տեսապատի թվով 8 մոնիտորները /SHIVAKI S43MF 1300 մոդելի հեռուստացույցները/ ՀՀ ՆԳՆ Փրկարար ծառայության Լոռու մարզային փրկարարական վարչությանը անհատույց նվիրաբերելուն:

2. Համայնքի ղեկավարին՝ կազմակերպել թվով 8 հեռուստացույցի հանձնման-ընդունման աշխատանքները։

3 Սույն որոշումն ուժի մեջ է մտնում ստորագման պահից։