Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 18-րդ կետով, «Տեղական տուրքերի և վճարների մասի» Հայաստանի Հանրապետության օրենքի 8, 9, 10, 11, 12, 13, 14-րդ հոդվածներով և «Աղբահանության և սանիտարական մաքրման մասին» Հայաստանի Հանրապետության օրենքի 5-րդ և 14-րդ հոդվածներով, Փամբակ համայնքի ավագանին՝ որոշում է.
1. 2024 թվականի համար Հայաստանի Հանրապետության Լոռու մարզի Փամբակ համայնքում սահմանել տեղական տուրքերի և վճարների տեսակներն ու դրույքաչափերը` համաձայն հավելվածի:
2. Փամբակ համայնքի բնակավայրերի համար սույն որոշման հավելվածի տեղական տուրքերի 6, 7, 9, 10, 11, 12, 13, 16, 17, 18, 20-րդ կետերում և 19-րդ կետի 2-րդ ենթակետում օրենքով սահմանված դրույքաչափերի վերին սանդղակների վրա կիրառվել է 0.5 գործակից:
3․ Փամբակ համայնքի Մարգահովիտ, Բազում, Արջուտ բնակավայրերի համար սույն որոշման հավելվածի տեղական տուրքերի 1-ին կետի 2-րդ և 3-րդ ենթակետում օրենքով սահմանված դրույքաչափերի վերին սանդղակների վրա ՀՀ կառավարության որոշմամբ սահմանված՝ շինությունների տարածագնահատման (գտնվելու վայրի) գոտիականությանը համապատասխան կիրառվել է 2 գործակից:
4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից և տարածվում է 2024 թվականի հունվարի 1-ից ծագած հարաբերությունների վրա: