Փամբակի համայնքապետարանը՝ ի դեմս համայնքի ղեկավար Սուրեն Կոստանդյանի շնորհավորում է բոլոր մայրերին, աղջիկներին ապրիլի 7-ի՝ գարնանային այս գեղեցիկ տոնի կապակցությամբ:
Մայրության նկատմամբ մշտապես եղել է և կա պաշտամունքի հասնող վերաբերմունք: Մեր ազգային նկարագիրը ձևավորող անկյունաքարերից մեկը եղել և միշտ կլինի հայ ընտանիքներում մոր հանդեպ տածած անսահման սերն ու նվիրվածությունը: Հայ կինն իր առաքինի իմաստությամբ մշտապես անգնահատելի դեր է ունեցել ընտանիքներում և ընդհանրապես հասարակության կյանքում, դարերով ձևավորված ավանդույթների և ազգային արժեքների պահպանման առաքելությամբ: Միայն ամուր ընտանիքն ու այդ ընտանիքից ներս սերն ու հավատն են, որ կարող են երաշխավորել մեր ժողովրդի լուսավոր ապագան և սերունդների հայեցի դաստիարակությունը: Կնոջ ամենաբարձր կոչումը` մայր լինելը, մեզ համար միշտ եղել է սրբազան: Հայ մայրերն են, որ մեր ժողովրդին պարգևում են քաջ զինվորներ և hատկապես այս օրերին տեղին է հիշել մեծն Նժդեհի խոսքերը. «Մայրերի ափերի մեջ պիտի փնտրել ազգի փրկությունը»:
Սիրելի՛ մայրեր, քույրե՛ր և դուստրե՛ր, ևս մեկ անգամ շնորհավորելով այս հիասքանչ տոնի կապակցությամբ՝ մաղթում եմ ձեզ երջանկություն, հաջողություն ու անսպառ ժպիտ: Թող ձեր ընտանիքներում մշտապես թևածի սերն ու ընտանեկան ջերմությունը: Ցանկանում ենք հավերժ գեղեցկություն, երիտասարդություն, առողջություն, անսահման երջանկություն, անմար ժպիտ: