Մասնակցային բյուջետավորման վերաբերյալ հերթական իրազեկման հանդիպումներ տեղի ունեցան համայնքի Դեբետ և Եղեգնուտ բնակավայրերի վարչական կենտրոններում, ինչպես նաև ,,Դեբետի գրադարակում,,։
Ողջունելով հանդիպումների մասնակիցներին ներկայացվեց գործընթացի փուլերը, գրանցման և առաջարկների ներկայացման կարգը, բացատրվեց, որ շուտով առաջարկների ներկայացման փուլն է և շատ կարևոր է, որ բոլոր բնակավայրերը ներկայացնեն գաղափարներ։ Համայնքապետարանը նախաձեռնել է այս գործընթացը բնակիչների հետ առավել արդյունավետ և սերտ կապ ապահովելու, առավել թիրախային խնդիրները ի հայտ բերելու նպատակով։ Ներկայացված առաջարկներից լավագույնները, եթե նույնիսկ չհաղթեն քվեարկության արդյունքներով, կներկայացվեն ՏԻՄ-ին։
Գործընթացին ներգրավված, որպես կամավոր հանձնաժողովի կազմում ընդգրկված, ,,Դեբետի գրադարակի,, աշխատակից Լուսինե Նազլուխանյանը նույն օրը գրադարանում ևս անցկացրեց իրազեկման արշավ։ Հանդիպմանը ներկա էին ավագ դասարանի երեխաներ և գրադարանից օգտվող երեխաների ծնողներ։
Նա հորդորեց ներկայացնել գաղափարներ, առաջարկներ, որոնց իրականացումը կնպաստի իրենց բնակավայրի, նաև համայնքի զարգացմանը։