Հարգելի՛ բնակիչներ․
Մասնակցային բյուջետավորման գործընթացին բնակչության տարբեր շերտերին ներգրավելու նպատակով համայնքի ղեկավարի կողմից ստեղծված հանձնաժողովի կողմից 17․01.2025-31.01.2025թ․ մեկնարկում է տեղեկատվական արշավ։ Կարևորելով համայնքում իրականացվող մասնակցային բյուջետավորման գործընթացում բոլոր բնակավայրերի մասնակցությունը՝ բնակիչների հետ հանդիպումների ձևաչափով կկազմակերպվեն իրազեկման հանդիպումներ Փամբակ համայնքի բոլոր բնակավայրերի վարչական կենտրոններում:
Մասնակցային բյուջետավորումը տեղական ինքնակառավարմանը համայնքի բնակիչների մասնակցության ձևերից մեկն է, որի միջոցով ապահովվում է համայնքային բյուջեի կառավարման գործընթացում քննարկումների և քվեարկության միջոցով ձեր մասնակցությունը որոշումների կայացմանը։ ՄԲ-ի հիմնական նպատակն է ապահովել բյուջեի կառավարման թափանցիկությունն և հաշվետվողականությունը, ունենալ ավելի բաց համայնքային ծախսերի գործընթաց, ինչպես նաև հանրային մասնակցության բարձր մակարդակ։
Մեզ համար կարևոր է համայնքի բնակիչների առաջնահերթ շահերի հաշվառումը՝ թիրախավորելով ձեր համար հրատապ, կարևոր և արդի խնդիրները։ Ձեր կողմից ներկայացրած առաջարկներով հնարավորություն կընձեռեք ՏԻ մարմիններին բացահայտել ձեր կարիքները և ապահովել ընտրված նախագծերի իրականացումը։
Դուք կարող եք ուղղակի կամ անուղղակի ներգործություն ունենալ տեղական ինքնակառավարման մարմինների որոշումների վրա, մասնակցել համայնքի բյուջեի ձևավորման և բյուջետային միջոցների բաշխման գործընթացին։
Բաց մի՛ թողեք այս հնարավորությունը, ապահովե՛ք ձեր մասնակցությունը տեղական բյուջեի կառավարմանը։