Սույնով Փամբակի համայնքապետարանը հրավիրում է բոլոր շահագրգիռ ֆիզիկական և իրավաբանական անձանց մասնակցելու համայնքի ղեկավարի 2025թ-ի հունվարի 17-ի N 0090-Ա որոշմամբ հաստատված ժամանակացույցին համապատասխան մինչև փետրվարի 16-ը ներառյալ իրականացվող հանրային լսումներին։ Հանրային քննարկումներն իրականացվելու են 2025 թվականին Փամբակ համայնքում մեկնարկած մասնակցային բյուջետավորման գործընթացի առաջարկների ներկայացման փուլում համայնքի բնակիչների կողմից ներկայացված և առաջարկների նախնական գնահատման փուլում սահմանված չափանիշներին համապատասխանող առաջարկների վերաբերյալ։ Դրանք են՝
1. Համայնքի ենթակառուցվածքների բարելավում, Էքսկավատոր /բազմաֆունկցիոնալ/ տրակտորի ձեռբերում։
2. Գորգագործության /կարպետագործության/ դասընթացների կազմակերպում՝ շարժական ծառայությունների մատուցման միջոցով։
3. Ազնվաձորի այլընտրանքային նախադպրոցական ուսումնական հաստատության խաղահրապարակի հատակի կահավորում ռետինե ծածկով։
4. Մարգահովիտի մանկապարտեզի համար թվով 30 մահճակալի / 15 հատ երկհարկանի/ և թվով 60 աթոռի ձեռք բերում։
5. Մարգահովիտ բնակավայրի 3-րդ փողոցում կոյուղու /մոտ 1 կմ/ կառուցում.
Շահագրգիռ անձինք կարող են ծանոթանալ Փամբակի համայնքապետարանում, ինչպես նաև Փամբակ համայնքի պաշտոնական համացանցային կայքում հրապարակված «Փամբակ համայնքում մեկնարկած մասնակցային բյուջետավորման գործընթացի» առաջարկներին և դրանց վերաբերյալ մինչև 2025 թվականի փետրվարի 16-ը ներառյալ ներկայացնել իրենց առաջարկություններն ու դիտողությունները, որոնք կարող են թողնվել համացանցային կայքում (www.pambak.am) կամ ուղարկել համապատասխան էլեկտրոնային հասցեով (pam-bak@mail.ru) կամ գրավոր ներկայացնել Փամբակի համայնքապետարան:
2025թ փետրվարի 17-ին` ժամը 11:00-ին, Փամբակի համայնքապետարանում /գ. Փամբակ, 1 փող, 23/ տեղի կունենա ՄԲ-ի առաջարկների քննարկման հանրային բաց լսում:
Համայնքապետարանը հրավիրում է համայնքի բոլոր շահագրգիռ ֆիզիկական և իրավաբանական անձանց մասնակցելու քննարկումներին և հանրային բաց լսումներին:
ՓԱՄԲԱԿԻ ՀԱՄԱՅՆՔԱՊԵՏԱՐԱՆ